بَعد بية سَهر بَس ليلي مَل مِني .

لا يا طبيبي توهمت
مو هذا جرحي البالجلد
بية جرح ما شفتة ! .

طبيبي يگلي صوتك زين
بس مو زين!
وعلاجك تگطع ويَة الناس و التدخين
وأنا عندي سبب حتى أكطع ويه الناس
بس ما عندي سبب حتى أگطع التدخين .

وشيصيرنَ بَعد ؟
خله الـ يَصير يصير
خَل كلشي الألية وينَگلب ضدي
خَلي سنيني تغرگ خله عمُري يفيض
خَله گبال عينيِ ويَنهدم سَدي .

أنا بكلشي أختَلف بالضحَكه أضل متعوب
وأنا بگلبي سوالَف تقهِر المصيوب
كافي يا وكَت من عندي يمته توب
شما أمشَي عدل تمشيلي بالمگلوب !.

كل الصار بيه حيل وياي
مستاهل بعد أكثر وأكثر
چي لين ما عرفت أحساب دنياي
أضوي لعد غيري خاف يعثر .

ما رهمت ويانه تكول ماعيش
بـ محكمة القدر طلگنا الافراح
طيور الخير هجن عافن البيت
وغراب الفگر بمجانهن صَاح
مسودن بختنا وحظنا مشلول
ومن كثر الحزن منهم عَ راح
على الجاهل گبل نتنگب نگاب
هسه يموت ابونا نكول يرتاح
مدام الموت أَرحم لليموتون
دمشونه لعد كل احنا نرتاح .

أول ما نوينة نعيش
طبينة بدرب بي موت
وتُوفت كل ملامحنة.

مِن قبل أني گلتلِك ،
لمن أعتب يعني أحبَك !
خاف مني لمّن أسكت
وَراح أسكت ..

أعاتبكُم عِتب خِرسان خَاف تغثكُم حَچاية .

يگلي بلا عتب تگطع حبالك ليش ؟
غير أدري النهر ما ينعدل مجراه ..!

عاتبتك گبل ضَني العتاب يفيد
واني أدري النهر ما ينعدل مجراه .

أكو كلمة دائماً أگولها ومتعود عليها من أشوف واحد وأگلة على شغلة وأگلة بابا لا تسويها ويروح يسويها ورة فترة
تجي أبالي كلمة دائماً وهي
"الحچي ما يفيد"
من تشوف ما يفيد بعد راح تعوفة وبعد ما تگلة حتى لو سوة أي شيء

- ليش ؟
- لين الحچي ما يفيد .

ماغفت عيني وراسي ماهاد
والصوچ أذبة براس المخاد

يجي الليل وخسارة تجر خسارة
وأنام وبيدي مشتعلة الجگارة .

مزاجيتك الخربت
بينك وبيني
روح براحتك بس مثلي
تلگه منين؟
وبعد ماعاتبك تندل عناويني.

مَتغير صدك بَس
مو بهَل يومين
خليِت المعاتب والجَرح
خافي
من شفتَك تَجي بلاَ واهِس
اضطريت
اضُم كل ألسوالف وأقفُل
شفافي

تَعبان بس ما گلت
‏ظنيته گلبَك يحس
‏بَس فشّل ظنوني
‏ضميت حچيّ شكثر
‏شيفيد صافن عَلَيّ
‏ما فاهم ‌عيوني⁩

انا همومي جهال وترضع دموع
اكضي الليل الولي وما يهيدون
أسكت هذا يكعد ذاك ويلوع
ويفزون على صوته وما ينامون
الكبر منهم فطمته وياكل ضلوع
شسوي نوب لو كلهم يكبرون ؟
جنح بيه انكسر والثاني مخلوع
وطرت گوه على عناد اليكرهون
انه جروحي علچ والوادم سنون
يونس زين عمي بحوت مبلوع
انه بحلگ الشماته المايرحمون .

الحُب فلاحتي وما بگتة من فلاح
ولهذا السبب خسران بَـس مرتاح
مرات الخسارة تردك لتموز
وانت بنص شتا وتحس رجيفك راح