‏يَاطير ألمحنه هم سمعت بطير
ماهزه الحنين لديرته وعِشه ؟

ناس تحب طشاش وكل خراب أثنين
يحسدون الگصيبة شلون ملمومة .

چنت اسكت
وتگلي السكتَه حافظها
واجذبك والمُصيبه
ادريك حافظني ..
وهسه احچيلك البيه
وتردلي بكلمة المدري
يولفيّ شغيرَك عني ؟

چـم زلة مِنك بينـت
ما جيت أعاتِب مرة .

عذراً للنهر
چي سهل ما مر بي
أو ماعبرة
لأن ياهو اليجي يعبرة .

تارسني العطش
واضحك بواهَس غَيم
المُطر مرات
هَم ما ينحَسب نعمة
بيها عناد روحي
ويه الهوى من يفوت
اذا يثگل علية
لو موت ماشمة،

مشيَت وخَيط وَأهِس
چلَب بمَگفاي ثَگل
مستَحاي وجَدمي هميته
رُوح أترس فرَاغك بالبرُود البِيك
أنَا وَجه الشَمس بالملگه غَطيته.

شتريد المشو أشمر وراهُم مآي ؟
المي سر الحياة عَ الراح ماشُمره
وميرفلي جفن عَ الحابه مِن يروح
مفتاح الفرج لو صار ما أدورة .

الـ ما همَه اهتمامّي
سقط حقه بعَد يحلم
دقيقة بالي يبقى اريد
اليسهَر ويتعبلي ويگوم
عندي الحُب ع كَد المشقهَ
لتسجل حضور براسّي وتغيب
تكتبلك حرف وترُوح طلقة .

تَلمّ بيه حَطب
لاتِگلي المن بيك
لأن جَاسَك برد
ما كاتلَك هَميِ

باخر ليلة تتلگة العتب نعسان
تره انه مضحي مو خسران ..

جنتَ أگلهمّ نارِ بيهُ نارِ بيهُ .
.وچذبونيَ.
ومَن بقيتّ رماد كالو َ
ليشّ ماكلتْ احتركَ .

تعبان واركض عبـث
بس ردت ارد الأمس

أنة المتعُوب بَس مَا بَينت تَعبي .

مسكين الشمع كُل عُمرة حاضن خيط
مَايدري اليكتلة العَايش برُوحة .

واني جنحك لو رحت بيمن تطير ؟
ليش بجناحك تحط بُعدك شكِال
هاي نزوة وتنتهي وباچر تحير
اسمعني مرة وأصفن لهذا المثال
انت يم عيونهم ما وچدوك ..
فله كورت مغزلك شوف شطوه
بس يراوك الجرف ماعبروك
همَ صح شراع ، بس انا الهوى .

مو حِزن لاچن حَزين
مِثل ما تنگطع جوّه المُطر
شدّة ياسمين
مو حِزن لاچن حَزين
مثل صندوگ العرس
ينباع خردة عِشگ
من تُمضي السِنين
أنه گتلك مو حِزن
لاچن حَزين
مثل بُلبُل گعد متأخر
لِگه البُستان كِله بلايا تين
مو حِزن لاچن حَزين .

" عينَك علي وأستمع ..
مرتين نفس البَشر يجرحني ما أعذرة ..
فوز وخَسارة العُمُر
ماعدنه أي مُشكلة أي واحد نخسرة
وچان إختياري غلط ...
كُل ظنّي تسوة التعب وإلي حَبَك تقدره !
ويمشن عكس ماردت ما وصلني لهدف
يختارن العَثرة "

وهي تبقة السچة عوجة
شما عدل روحة القطار .

اذا سَرك تحفظة تحِير الناسَ
وأذا ناسك تعـرفة بوحَدك أتحير
فرق بيَن اليسرك وألتسِر بي
وحذاري من أليگلك سرَك بيـر
واذا مايَك تلاطم فوك الچروف
أكيد العلة بجفوَف النواعير
طبيعَي أليمَشي يعثر تغدر ألگاع
ولگن مو طبيعي أليزحِف يطيـر
زمانِك مركبة وصَير أنت الشراع
أذا رايك تضبطة بكيفِك تدير
على مَتون الصبر قيس المسافات
لان بسَ بالصبر تكضي ألمشاوير ..

ياهو مثلي وچههَ فارغ
من حنينه
وتارس الدخان صدرة ؟