ولا تچذب !
الچذب حبلة گصير
شحصل الچذاب من بيتة أحترگ ؟

وبركان عندي الحچي
بلساني اذا ينفجر
أبقى أحچي طگ بطگ .

سلامتهم
بعد ما أريد أحب و أنعاف
و چفوف الـ تسلم راح أچويها
أغمض عيني و أتذكر شگد وجوه
چانت تضحك بوچهي من ألاگيها

غالي أنتَ بس آخ شطحت ؟
طيحة جگارة وبالسجن
رايدها بس ما دنگت
ما أعرف أشيل الطايح ..

مزدحمة النوارس
شيب يدفع شيب
كلها تريد گلبي
وگلبي يرفضها .

بِـ چِفوفَك شِكَد شِعر
أَسرارة ما تِنحچي
ثَورة و قَصيدة و عِشك
طاحَن بِـ تالي العُمر
و مِسودَن آنة مِن أَحِب
لو أَموت لو أَنتصر

عندي الأجوبة بس أنا تعبان
أكو أسئلة أحتاج أنا أنسئلها
من أسمع ناس عاشت أنقهر حيل
من أسمع ناس ماتت أفرحلها .

مَدري شجاني السّنة والعَام
ما نام طول الليل مَا انام
ثاري السّهر مَدرسة العيُون
وكثرن غيابَاتج يالاحَلام
تحسدنِي ليش وتشتكِي النّاس
امي وابوي وياي بالبَيت
لكني عَايش عيشة أيتَام ..

كدامِك طحَتَ ماشفت
وجهكِ كام
هاك ابسَط مثـِال
وشوف واتصُورَ
ولك خشبة بطبرَ
فرَكسّت چفَ حِطاب
مَن شافتِ حَطب گدامَها
اطبِرَ

سميرّ صبيْح :
غير الروح تقنعَ
من اگلهاا تهون
العَطش مِن السراب
شيرّتوي شيقنع
چنت أدَري الزرعته
يموت بأرض البور
گلت بلگت يعيش
وگمت أطِش وازرع .

الجفن من ينطبگ
يفتح گبر مسدود !
ردت أفتح گبر هستوني سديتة .

ما ميت گبل بس حافظ التابوت
لأن كل ما انام اتحلّم بنعشي
انه مبلِل رموشي بدمعة المعتاز
انه دموع الفرح ما مرت برمشي
وكت الخير عشته وما شفت بي خير
صاحولي ملك بس ما شفت عرشي
عندي عيون بس محسوب ع العميان
انه مفتح ولكن ما شفت كلشي
احلم بالفرج واترس الظلمة حجار
ظل هواي .. ليش نگول ما ظل شي
شيمَشّي العمر من اوصل الخمسين
انا بعشريني واگف عمري ما يمشي

ماخذ ناگتي وعايفلك الصحراء
وخير من الله عندي متاع اليكفي
ومثل ما طيرة تنكت روحها من الماي
هيـﭻ أنكت عشرتك نكت من چَفي .

گلبي بكل وكت ديوان أجاويد
أبد ما صار خيمة كاولية
ما دنگت راسي ولا بست إيد
ولا خليت ناس تِمّن عليه
أنا چفوفي لوجع راسي مخاديد
ومن أرتاح أبوس چفوف إدية .

عرفتك ما تحب من ما تعاتبني !
ولك وصلت للمراضاه وتعگبني ؟
ورة فراگي گدرت تعيش ؟
والله مبين تحبني .

صح يراووك الجرف
بس ماعبروك
همة صح شراع
بس انة الهوى !

يحبني بتناقض
يحَبني مرة
و يحرگني مرات .

لا تِخسر دوة عَلى الما يريِد يطيَب

‏يَاطير ألمحنه هم سمعت بطير
ماهزه الحنين لديرته وعِشه ؟

ناس تحب طشاش وكل خراب أثنين
يحسدون الگصيبة شلون ملمومة .

چنت اسكت
وتگلي السكتَه حافظها
واجذبك والمُصيبه
ادريك حافظني ..
وهسه احچيلك البيه
وتردلي بكلمة المدري
يولفيّ شغيرَك عني ؟