امتى بستخدم الاضاءة الدافئة وامتى بستخدم الاضاءة الباردة؟
دايما لما بندور علي الاجابة الصح بندور علي الاجابات من الطبيعة 💛
الاضاءة الدافئة/warm lights :
هي الاضاءة المايلة للاصفر وبتوحي بالدفء والاسترخاء زي ضوء الشمس وهو بيقرب من الغروب والوقت بيقرب من فترة الراحة وده بستخدمه في الاماكن اللي بحتاج اساعد فيها المستخدم علي الاسترخاء مثل الاضاءة الجانبية للسرير وغرف النوم والممرات والاباجورات
الاضاءة الباردة / cool lights:
هي الاضاءة المايلة للازرق وتوحي بالنشاط والحيوية والحركة زي ضوء النهار من بعد الشروق وهي فترة العمل والحركة وده بستخدمه في الاماكن اللي عايز أعزز فيها الانتباه والتركيز والحيوية زي اماكن مذاكرة الاطفال او اللعب او الشغل.
فتقدر تعمل مزيج بين الاضاءة الباردة والدافئة في الفراغ الواحد باختلاف استخدام كل مصدر اضاءة ووقت استخدامه، او تستخدم نفس المصدر ويكون فيه امكانية تغيير درجة الحرارة من باردة لدافئة والعكس حسب استخدام الفراغ في الوقت ده.