5-րդ զորամիավորման վարչակազմի զինծառայողների հետ մայիսի 26-ին անցկացվել են կրակային պատրաստության ուսումնական վարժանքներ:

Տեսական և գործնական պարապմունքների ընթացքում զինծառայողները զարգացրել են հաստիքային զենքի կիրառման հմտությունները, մարտական իրադրության ժամանակ գործողությունների ներդաշնակման, անհատական և խմբային մարտի վարման կարողությունները։ Անձնակազմը ցուցաբերել է բարձր պատրաստություն և կատարել առաջադրված խնդիրները։

4-րդ զորամիավորման զորամասերում մայիսի 24-ից 25-ն անցկացվել են ֆիզիկական պատրաստության պարապմունքներ։

Անցկացված պարապմունքները նպաստել են զինծառայողների ֆիզիկական պատրաստվածության ամրապնդմանը և մարտավարական տարբեր իրավիճակներում գործելու հմտությունների զարգացմանը։

Անձնակազմի պատրաստության մակարդակն ամրապնդելու նպատակով 1-ին զորամիավորման զորավարժարաններից մեկում մայիսի 26-ին անցկացվել են մասնագիտական պարապմունքներ:

Բացազատված ուսումնական կետերում զինծառայողները կատարելագործել են հաստիքային զենքից կրակի վարման և գործողությունների ներդաշնակման հմտությունները։

5-րդ զորամիավորման զորավարժարաններից մեկում, տարբեր ստորաբաժանումների ներգրավմամբ, անցկացվել է մարտավարական զորավարժություն՝ մարտական կրակով։

Ըստ զորավարժության մտահղացման, տանկային ստորաբաժանումները, հաղթահարելով բարդ լեռնային տեղանքը, զբաղեցրել նախորոշված շրջաններն ու հնարավորություն ստեղծել այլ ստորաբաժանումների՝ նպաստավոր դիրքերի զբաղեցման և պայմանական հակառակորդի գործողությունների վերահսկման համար։ Ստորաբաժանումներին առաջադրված խնդիրներն ամբողջությամբ կատարվել են:

Զորամիավորման հրամանատարի մարտական գծով տեղակալ, գնդապետ Հ. Սևոյանը բարձր է գնահատել զորավարժությանը ներգրավված անձնակազմի պատրաստվածությունն ու ստորաբաժանումների փոխգործակցության կազմակերպումը։