#migratsiya #Rossiya
🔻 Krasnoyarsk o‘lkasi gubernatori: «O‘lkamizda mehnat kuchi yetishmaydi»

Krasnoyarsk o‘lkasi gubernatori Mixail Kotyukovning so‘zlariga ko‘ra, migratsiya puxta o‘ylangan bo‘lishi kerak

Gubernatorning aytishicha, o‘lka malakali mutaxassislarga muhtoj.

🔸 O‘lkamizda mehnat kuchi yetishmaydi. Biz barcha krasnoyarskliklarni ishga joylaganimizda ham mavjud bo‘sh ish o‘rinlarini to‘ldirolmasligimizni juda yaxshi tushunamiz.

Muammo boshqa – kim, nima uchun bizga kelyapti va ular uchun kim javob beradi? Ish beruvchilar va xorij fuqarolari uchun aniq qoidalarini o‘ylab chiqish kerak va ularga rioya qilinishini nazorat qilish kerak, deydi Kotyukov.

Shuningdek, gubernator o‘lkadagi barcha diasporalar bilan yaqindan ishlayotganini, migrantlar orasida huquqbuzarlik ko‘rsatkichi esa minimal darajada ekanini (juda pastligini) ta’kidlagan.

Obuna bo‘ling👇
@migrantuz

#boʻsh_ish_oʻrni #Buyuk_Britaniya
⚠️ Britaniya kompaniyasi O‘zbekistondagi tibbiyot sohasi vakillariga ish taklif qilmoqda

Buyuk Britaniyaning “NEU Professionals” rekruting agentligi o‘zbekistonlik 10 mingdan ortiq tibbiyot sohasi vakillarini chet tiliga o‘qitib, ularni 3 ming AQSH dollar miqdorida oylik maosh bilan ishga qabul qiladi.

23-aprel kuni Toshkentdagi “Ishga marhamat” monomarkazida Kambag‘allikni qisqartirish va bandlik vazirligi hamda Buyuk Britaniyaning “NEU Professionals” rekruting agentligi vakillari ishtirokida matbuot anjumani bo‘lib o‘tdi.

“Vatandosh TV” muxbirining xabar berishicha, tadbir davomida rekruting agentligi vakillari O‘zbekiston tomoni bilan qilingan kelishuvga muvofiq Buyuk Britaniyaning Oksford universiteti shifoxonasi va boshqa tibbiyot muassasalariga O‘zbekistondagi tibbiyot sohasi vakillarini ishga yollash rejasi haqida ma’lumot berdi.

Ta’kidlanishicha, bugungi kunda Buyuk Britaniyada tibbiyot sohasi xodimlarga talab juda yuqori. “NEU Professionals” kompaniyasi ayni sababga ko‘ra, o‘zbekistonlik 10 mingdan ortiq soha vakillarini chet tillariga o‘qitish orqali ishga qabul qilib, 3 ming AQSH dollari miqdorida oylik maosh to‘lashga tayyorligi bildirdi.

Shuningdek, Angliya tomoni O‘zbekistonda tibbiyot sohasi vakillarini kelgusida xorijdan kelib ishlovchilar bo‘yicha TOP-3 talikka olib chiqishni rejalashtirayotganini ta’kidladi. Bunda o‘zbekistonlik hamshiralar doimiy o‘rta tibbiyot xodimlari sifatida faoliyat yuritish bilan cheklanib qolmasligini va o‘z qobiliyati, intilishi, tajribasi hamda til bilishidan kelib chiqib, xizmat karerasida o‘sish imkoniga ega bo‘lishi qayd etildi.

Batafsil

Tadbirdan tayyorlangan reportajni tez orada Migrant.Uz va Vatandosh TVning youtube kanali orqali tomosha qilishingiz mumkin.

Obuna bo'ling👇
@migrantuz

#migrant #Rossiya
📢 Rossiyada xorijlik jinoyatchilar vataniga ekstradisiya qilinadi, biroq...

Rossiya prezidenti Vladimir Putin Rossiya Jinoiy prosessual kodeksiga o‘zgartirish kirituvchi Federal qonunni imzoladi. Unga ko‘ra Rossiyada jinoiy javobgarlikka tortilgan xorijlik fuqarolarni vatanlariga ekstradisiya qilishga ruxsat beriladi. Federal qonun 2-may kuni kuchga kiradi.

Qonunga ko‘ra xorij fuqarolarini o‘z vatanlariga ekstradisiya qilish uchun asos tariqasida Federal jazoni ijro etish xizmati vakili yoki jinoiy javobgarlikka tortilgan shaxsning, uning vakilining, xorijlik fuqaroning vatanidagi huquq-tartibot organining murojaati ko‘rsatib o‘tilgan.

Murojaat uchun Rossiyaning xalqaro kelishuvlariga yoki o‘zarolik prinsipiga asosan mas’ul davlat idoralariga so‘rov yuboriladi. Ayni qaysi turdagi jinoyatlarga tortilgan xorij fuqarolarini ekstradisiya qilinishi aniqlanmoqda.

Hozircha, ozodlikdan mahrum qilish jazosi va shartli jazoga tortilganlar, soliq, bojxona, yetkazilgan zararni qoplamagan jinoyatchilar ekstradisiya qilinmasligi ma’lum.

Xulosa qilish mumkinki, faqat majburiy ish (обязательные работы), tarbiyaviy ish (исправительные работы) soatlari, jarima kabi jinoiy javobgarlik belgilangan xorij fuqarolarigina o‘z vataniga ekstradisiya qilinishi mumkin.

Obuna bo'ling👇
@migrantuz

#qoidalar #AQSH
⚡️ AQSHga farzandlarni olib ketish qoidalari

Amerika Qo‘shma Shtatlari hududiga safar qiluvchilarning barchasi, yoshidan qat’i nazar, AQSHning amal qiluvchi vizasiga ega bo‘lishlari kerak.

O‘zbekiston fuqarolari va rezidentlarining farzandlari
14 yoshga to‘lmagan va O‘zbekiston rezidenti bo‘lgan bolalardan suhbatdan o‘tish uchun elchixonaga shaxsan kelishlari talab qilinmaydi. Buning o‘rniga, ariza topshiruvchi ota-ona yoki qonuniy vasiy(lar) o‘zlari bilan suhbatga bolaning pasportini, DS-160 anketasining tasdiqlangan sahifasini, va arizani ko‘rib chiqish uchun to‘lovni olib kelishlari lozim.

14 yoshga yetgan yoki undan katta yoshdagi bolalar ‒ hattoki ular 14 yoshga kirishlaridan avval AQSH vizasini olgan bo‘lsalar ham, suhbatga kelishlari shart. 14 yoshdan 16 yoshgacha bo‘lgan murojaatchilarning ota-onalari, farzandlariga viza uchun suhbat vaqtida hamrohlik qilishlari mumkin.

16 yoshga yetgan murojaatchilarga suhbat davomida, viza murojaatchisi bo‘lmagan shaxslar, jumladan bolaning oila a’zolari ham hamrohlik qilishlari mumkin emas.

O‘zbekiston fuqarosi va rezidenti bo‘lmagan shaxslarning farzandlari
O‘zbekiston rezidenti bo‘lmagan shaxslarning farzandlari, yoshidan qat’i nazar, suhbatda ishtirok etishlari zarur. Bu 14 yoshdan kichik bolalarni ham o‘z ichiga oladi.

Agar ota-ona (yoki qonuniy vasiy) AQSH vizasiga ega bo‘lsalar, hamda voyaga yetmagan farzandlari uchun vizaga hujjat topshirish istagida bo‘lsalar, ota-ona yoki qonuniy vasiy, voyaga yetmagan viza murojaatchisi nomidan suhbat kunini onlayn belgilashlari kerak bo‘ladi. Hamrohlik qiluvchi katta yoshdagi shaxs Konsullik bo‘limiga ConsularTashkent@state.gov elektron pochtasi orqali bog‘lanib, ular hamrohlik qiluvchi voyaga yetmagan bola uchun tayinlangan sana va vaqtning o‘zida ularni ham qabul qilishni so‘rashlari mumkin.

Batafsil

Obuna bo'ling👇
@migrantuz

#test #migratsiya #Rossiya
⚠️ Migrantlarga soxta test o'tkazgan universitetlar

To'liq video Migrant.uz Youtube kanalida.

Batafsil

Obuna bo‘ling👇
@migrantuz

#ish #Qozogʻiston
📢 Qozog‘istonga ishlash uchun borayotgan fuqarolar diqqatiga: soxta «elchixona xodimlari»ga ishonmang!

Tashqi mehnat migratsiyasi agentligi matbuot xizmati Qozog‘istonga ishga borayotgan hamyurtlarimizga ogohlantirish bilan murojaat qildi. Gap shundaki, so‘nggi paytlarda Qozog‘istonga borgan yoki ushbu davlatda ishlayotgan O‘zbekiston fuqarolariga o‘zini elchixona yoki konsulxona vakili sifatida tanishtirib, hujjatlarni rasmiylashtirish uchun ulardan pul va pasportlarini olish holatlari kuzatilayotgan ekan.

Agentlik bunday firibgarlarga ishonmaslik va pasportni notanish insonlarga bermaslikni so‘rab, ishlash yoki vaqtincha yashash ruxsatnomasini olish uchun fuqaro shaxsan Aholiga xizmat ko‘rsatish markazlariga (SON) murojaat etishi zarurligini eslatmoqda.

Shuningdek, o‘zini “diplomatik vakolatxona xodimiman” deb tanishtirgan shaxslarga duch kelganda O‘zbekistonning Qozog‘istondagi diplomatik vakolatxonalari:

Ostona shahrida: 📞 +8 (7172) 95-45-87;
Olmaota shahrida: 📞 +8 (727) 390-26-16;
Aqtau shahrida: 📞 +8 (729) 277-71-17);
Qozog‘iston Bosh prokuraturasi: 📞 115;
Qozog‘iston polisiyasi: 📞 102 raqamlariga murojaat qilish tavsiya qilingan.

Obuna bo'ling👇
@vatandosh_tv

#imtihon #migrant #Rossiya
⚠️ Migrantlar uchun rus tili imtihonlari qiyinlashmoqda

Migrantlarga rus tilidan imtihon o‘tkazish tizimida o‘tkazilgan “tozalash” ishlaridan keyin patent rasmiylashtirish uchun murojaat mehnat muhojirlari rus tili imtihonidan o‘tishi qiyinlashgan.

Rus tilida muloqot qila oladigan, biroq hayajonda bo‘lgan migrantlar imtihondan o‘ta olmayapti va qayta imtihon uchun oliygohlarga yuborilayapti. Oliygohlarda ham imtihon talablari kuchaytirilgan, savollarga erkin javob bera olmayotgan migrantlar imtihondan o‘ta olmayapti. Chunki savollar va talablar nazorati kuchaytirilgan.

Biroq shundan keyin ham amallab, bir oliygohda bo‘lmasa boshqasida imtihon topshirib, sertifikat olgan migrantlar patent olish uchun MMS “Saxarovo”ga borganida savol-javob qilinmoqda. Patent olishga qayta imtihondan o‘tib kelgan fuqarolardan “ikki marta imtihondan o‘ta olmabsan, sertifikatni qayerda olding”, “sertifikatni olgan manzilingini ayt”, “sertifikatni qanday olding, imtihon qanday bo‘ldi”, deb so‘ralmoqda.

Savollarga javob bera olmagan migrantlarning sertifikati qabul qilinmay, muhojirlarga patent rasmiylashtirishda “otkaz” – rad javobi berilmoqda.

Masalan, sertifikatni Sankt-Peterburgdagi Gersen nomidagi oliygohga qarashli Moskvadagi test markazida olgan migrantdan sertifikat haqida so‘ralganida u imtihonni Moskvada o‘tganini aytgan. Lekin patent uchun hujjat rasmiylashtirayotgan xodim Sankt-Peterburg shahrida berilgan sertifikatni Moskvada olish mumkin emas, deb uni soxta hisoblagan.

Patent rasmiylashtirishda rad javobini olgan fuqarolar bir yil mobaynida yangi patent olish uchun hujjat topshira olmaydi. Shuning uchun muhojirlarga hayajonlanmay, sertifikatni qaysi oliygohda imtihon topshirib olganini to‘liq tushuntirishni tavsiya qilamiz.

Obuna bo'ling👇
@migrantuz

#patent #migratsiya #Rossiya
⚠️ Patent yaroqliligini «МВД» saytidan tekshirsangiz bo'ladi

To'liq video Migrant.uz Youtube kanalida.

Batafsil

Obuna bo‘ling👇
@migrantuz

✍️ Пул ўтказиш учун банкларга бориб, навбат кутманг!

⚡ Энди cиз Россиядан🇷🇺 Ўзбекистонга🇺🇿 пулларингизни доллар қилиб жўнатиш учун банкларда навбатда туришингиз шарт эмас.

❗ «Unired» иловаси орқали рублларингизни доллар ҳолатида ўтказиш ва уни комиссиясиз ечиб олишингиз мумкин.

Буни турган жойингизда амалга ошира оласиз, қандай амалга оширишни видеони охиригача кўриб, ўрганиб олинг!

Хозироқ «Unired» иловасини юклаб олинг
🤖📱 🛍 юклаб олиш

Илованинг расмий телеграм канали: @uniredmobile

#reklama