Парады прынца Уільяма, кавід-дысідэнт Балсанару і мудры тоўсты мядзведзь

Пастаянна змяняюцца толькі дзве рэчы: клімат і стаўленне да вакцынацыі. Вядома, калі вы не прэзідэнт Бразіліі: у тое, што яго стаўленне да вакцынацыі калі-небудзь зменіцца, ужо ніхто не верыць.

Чытаць кароткі агляд сусветных навін (праз ВПН): https://euroradio.fm/parady-prynca-uilyama-kavid-dysident-balsanaru-i-mudry-tousty-myadzvedz

Не адкрываецца спасылка? Тут дакладна адкрыецца!

Журналіст “Комсомольской правды в Беларуси” Генадзь Мажэйка другі тыдзень сядзіць у ізалятары за шэсць словаў са свайго артыкула пра айцішніка Андрэя Зельцэра, застрэленага ў Мінску супрацоўнікамі КДБ.

Для вывучэння менавіта такой колькасці словаў прызначаная лінгвістычная экспертыза па яго справе, паведамляе @rian_ru.

За подпісы за Бабарыку звальняюць 2 дырэктараў цэнтраў алімпійскай падрыхтоўкі

Гаворка ідзе пра дырэктара РЦАП па лёгкай атлетыцы Анатоля Макарэвіча, дырэктара РЦАП па мастацкай гімнастыцы Міхаіла Еўсюка, а таксама старшага трэнера зборнай па вольнай барацьбе Юрыя Жызнеўскага.

Кур'ёз сітуацыі ў тым, што Макарэвіча паставілі на пасаду дырэктара год таму. Ён усяляк падтрымліваў праўладных спартоўцаў і прэсаваў атлетаў, якія падпісалі ліст за сумленныя выбары. Яго папярэдніка Генадзя Тапунова звольнілі за нежаданне караць спартоўцаў, нязгодных з уладамі. Макарэвіч карную ролю выконваў добра: ён звольніў з РЦАП Дар'ю Барысевіч і Вольгу Мазуронак.

У Літве і ў Беларусі па-рознаму глядзяць на "агульнае мінулае", і ў першую чаргу на часы Вялікага княства. Чым літоўскае бачанне "гістарычнай праўды" прынцыпова адрозніваецца ад беларускага — а ў чым мы падобныя?

Рэдактар @euroradio Зміцер Лукашук абмяркоўвае гэта з аўтарам нядаўна прэзентаванай "першай літоўскай гісторыі Беларусі" Русцісам Камунтавічусам.

https://youtube.com/watch?v=f09FFR9IjN8

А вось падтрымка ад украінцаў з hromadske. Дзякуй і вам, сябры!

😬 Білоруська влада заявила, що нібито ввела кримінальну відповідальність для підписників Telegram-каналів, які визнали «екстремістськими». Користувачам загрожує до 7 років тюрми. Але схоже, що це фейк, бо у постанові Ради міністрів немає згадок про кримінальну відповідальність.

Тим часом від опозиційних каналів почали масово відписуватися люди. Ми хочемо підтримати наших колег з незалежного білоруського медіа «Еўрарадыё». Якщо вам цікаво, що відбувається у Білорусі, долучайтеся до їхнього каналу

Важныя падзеі чацвярга, 14 кастрычніка, у праграме ЕЎРАЗУМ

1:23 Ці спрацаваў фэйк пра адказнасць за падпіску на “экстрэмісцкія ТГ” — меркаванне Сяргея Харытонава

22:03 Навіны спорту

24:00 Ці ўратуе нашэнне масак ад COVID-19 і чаму лекары пакідаюць Беларусь: размова з доктарам Вольгай Садоўскай

25:03 Навіны шоў-бізу

27:48 “Хімія” за мітынг і 5 гадоў колоніі за паведамленні: гісторыя братоў-змагароў

Памёр бізнесмен Юрый Данькоў, былы ўладальнік пафаснага "Dankoff-клуба" ў Мінску. Як стала вядома @euroradio, гэта адбылося ў Гомелі. Прычынай смерці сталі наступствы COVID-19.

У 1990-я Данькоў заснаваў клуб, вакол якога круцілася начное жыццё Мінска. Потым стаў дэпутатам Мінгарсавета, у 2001 годзе ўдзельнічаў у прэзідэнціх выбарах.

У 2012-м бізнесмена асудзілі на 8 гадоў пазбаўлення волі. У справе было 7 артыкулаў: ухіленне ад выплаты падаткаў, уцягванне ў прастытуцыю, падробка дакументаў… Данькоў адсядзеў 7 гадоў. Выйшаўшы даў некалькі інтэрв’ю. Але сваіх галоўных таямніцаў, падаецца, так нікому і не распавёў.

У шахце "Беларуськалія" на глыбіні 430 метраў машына з рабочымі ўрэзалася ў сценку горнай выпрацоўкі. Пацярпелі чатыры чалавекі, два з іх шпіталізаваныя.

Гэта далёка не першае надзвычайнае здарэнне на "Беларуськаліі". У траўні 2021 года ў шахце загінуў машыніст горна-вымальных машын брыгадзір Анатоль Эгіптэ.

@euroradio распавядала, чаму шахцёры працуюць да апошняга. Шмат хто з іх працягвае спускацца пад зямлю нават у пенсійным узросце.

Сучаснае мастацтва. Знакамітая "самазнішчальная" карціна Бэнксі "Каханне ў смеццевым баку" ўчора была перапрададзеная на новым аўкцыёне за $25,4 млн!

У 2018 годзе папярэдняя ўладальніца купіла яе за $1,4 мільёна. За тры гады карціна падаражэла ў 18 разоў.

Вавёркі ў маскоўскім парку прапанавалі беларусу зачаць кентаўра і адмаўляліся навучыць яго размаўляць з дрэвамі.

Пацешны інцыдэнт, удзельнікам якога стаў беларус, адбыўся 11 кастрычніка ў паркавай зоне на поўначы Масквы. Мужчына быў затрыманы паліцыяй за тое, што залез на дрэва і абяцаў скончыць жыццё самагубствам. У рапарце паліцэйскага напісана, што затрыманы беларус — "лясун, які прыйшоў у госці да свайго калегі, таксама лесуна, у парк. Яго сябар наеўся чароўных жалудоў і паляцеў на мятле, а вавёркі сталі над ім смяяцца, лаяцца і кідаць у яго арэхі. Затым вавёркі прапанавалі яму "заняцца палавымі зносінамі для нараджэння кентаўра", таму што свет ў небяспецы".

Лёс затрыманага беларуса невядомы.

Урад Польшчы ўчора: "Мы зробім так, каб Беларусь пачала захлынацца гэтымі мігрантамі".

Сёння: адменены рэйс з Дамаска (Сірыя) у Мінск.

"Пяты пакет санкцый супраць беларускіх уладаў можа быць гатовы ў лістападзе", — паведамляе з Бруселю журналіст Рыкард Ёзвяк.

Раней ён жа казаў, што "пяты пакет санкцый Еўрасаюза можа быць гатовы да канца кастрычніка". Няпростая гэта штука — санкцыі супраць беларускіх уладаў.

Марыя Калеснікава, хацела б падпісацца на "Новую газету". "Яна ў курсе, што галоўны рэдактар атрымаў Нобелеўскую прэмію. Яна прасіла перадаць свае велізарныя віншаванні Дзмітрыю Муратаву", распавёў @viktarbabarykaofficial бацька палітзняволенай Аляксандр Калеснікаў.

Калеснікава, якую асудзілі на 11 гадоў калоніі, сустрэлася з бацькам у СІЗА. Яна выглядае бадзёрай, шмат чытае і сочыць за навінамі.

Таксама яна сказала, што ганарыцца прысуджанай ёй прэміяй Вацлава Гаўла. Калеснікава лічыць што гэта — для ўсіх палітвязняў.

Нягледзячы на санкцыі, палітычную сітуацыю і мігранцкі крызіс, Латвія за восем месяцаў 2021 года закупіла ў Беларусі "лясной прадукцыі" на 211 млн еўра. У параўнанні з 2020 годам пастаўкі выраслі амаль у два разы (97,5%).

Сёння беларускі лес — гэта амаль чвэрць (23,5%) ад агульнага аб'ёму паставак лесу ў Латвію. Мухі — асобна, катлеты — асобна.